Vulgata Clementina online

Liber Psalmorum, 113
Procurar:
Liber Psalmorum

Liber Psalmorum, 113

1 Alleluja. In exitu Israël de Ægypto, domus Jacob de populo barbaro,

2 facta est Judæa sanctificatio ejus ; Israël potestas ejus.

3 Mare vidit, et fugit ; Jordanis conversus est retrorsum.

4 Montes exsultaverunt ut arietes, et colles sicut agni ovium.

5 Quid est tibi, mare, quod fugisti? et tu, Jordanis, quia conversus es retrorsum?

6 montes, exsultastis sicut arietes? et colles, sicut agni ovium?

7 A facie Domini mota est terra, a facie Dei Jacob:

8 qui convertit petram in stagna aquarum, et rupem in fontes aquarum.

9 Non nobis, Domine, non nobis, sed nomini tuo da gloriam:

10 super misericordia tua et veritate tua ; nequando dicant gentes: Ubi est Deus eorum?

11 Deus autem noster in cælo ; omnia quæcumque voluit fecit.

12 Simulacra gentium argentum et aurum, opera manuum hominum.

13 Os habent, et non loquentur ; oculos habent, et non videbunt.

14 Aures habent, et non audient ; nares habent, et non odorabunt.

15 Manus habent, et non palpabunt ; pedes habent, et non ambulabunt ; non clamabunt in gutture suo.

16 Similes illis fiant qui faciunt ea, et omnes qui confidunt in eis.

17 Domus Israël speravit in Domino ; adjutor eorum et protector eorum est.

18 Domus Aaron speravit in Domino ; adjutor eorum et protector eorum est.

19 Qui timent Dominum speraverunt in Domino ; adjutor eorum et protector eorum est.

20 Dominus memor fuit nostri, et benedixit nobis. Benedixit domui Israël ; benedixit domui Aaron.

21 Benedixit omnibus qui timent Dominum, pusillis cum majoribus.

22 Adjiciat Dominus super vos, super vos et super filios vestros.

23 Benedicti vos a Domino, qui fecit cælum et terram.

24 Cælum cæli Domino ; terram autem dedit filiis hominum.

25 Non mortui laudabunt te, Domine, neque omnes qui descendunt in infernum:

26 sed nos qui vivimus, benedicimus Domino, ex hoc nunc et usque in sæculum.

Notas:

Edição da bíblia em vulgata clementina produzida a partir de papiros, manuscritos e códices gregos antiquíssimos. Recomenda-se ler a tradução em português da vulgata pelo padre Matos Soares.

Produtos recomendados:

Compartilhe este capítulo da bíblia:

Saia longuete marsala elegance com cinto
Saia midi godê total preta estampada
Vestido midi infantil Filomena branco
Vestido midi jasmim azul
Vestido longo evasê rosa neon floral
Saia midi godê total açaí com cinto
Vestido midi mater azul
Saia midi de pregas preta poá
Saia midi plissada verde claro
Vestido midi Dália marrom
Saia midi de nesgas sarja rosê
Vestido midi godê azul turquesa