Vulgata Clementina online

Liber Psalmorum, 20
Procurar:
Liber Psalmorum

Liber Psalmorum, 20

1 In finem. Psalmus David.

2 Domine, in virtute tua lætabitur rex, et super salutare tuum exsultabit vehementer.

3 Desiderium cordis ejus tribuisti ei, et voluntate labiorum ejus non fraudasti eum.

4 Quoniam prævenisti eum in benedictionibus dulcedinis ; posuisti in capite ejus coronam de lapide pretioso.

5 Vitam petiit a te, et tribuisti ei longitudinem dierum, in sæculum, et in sæculum sæculi.

6 Magna est gloria ejus in salutari tuo ; gloriam et magnum decorem impones super eum.

7 Quoniam dabis eum in benedictionem in sæculum sæculi ; lætificabis eum in gaudio cum vultu tuo.

8 Quoniam rex sperat in Domino, et in misericordia Altissimi non commovebitur.

9 Inveniatur manus tua omnibus inimicis tuis ; dextera tua inveniat omnes qui te oderunt.

10 Pones eos ut clibanum ignis in tempore vultus tui: Dominus in ira sua conturbabit eos, et devorabit eos ignis.

11 Fructum eorum de terra perdes, et semen eorum a filiis hominum,

12 quoniam declinaverunt in te mala ; cogitaverunt consilia quæ non potuerunt stabilire.

13 Quoniam pones eos dorsum ; in reliquiis tuis præparabis vultum eorum.

14 Exaltare, Domine, in virtute tua ; cantabimus et psallemus virtutes tuas.

Notas:

Edição da bíblia em vulgata clementina produzida a partir de papiros, manuscritos e códices gregos antiquíssimos. Recomenda-se ler a tradução em português da vulgata pelo padre Matos Soares.

Produtos recomendados:

Compartilhe este capítulo da bíblia:

Vestido midi evasê bege manga godê
Saia midi godê total marrom rosas
Vestido midi godê caramelo neosuede com cinto
Vestido midi maria marinho
Vestido midi evasê vintage lilás
Saia longa jeans claro
Vestido midi godê poá preto
Saia midi godê total açaí
Vestido longo Sarah preto
Saia midi jeans azul com bolsos
Vestido chemise verde poá
Saia midi godê total singela