Vulgata Clementina online

Liber Psalmorum, 18
Procurar:
Liber Psalmorum

Liber Psalmorum, 18

1 In finem. Psalmus David.

2 Cæli enarrant gloriam Dei, et opera manuum ejus annuntiat firmamentum.

3 Dies diei eructat verbum, et nox nocti indicat scientiam.

4 Non sunt loquelæ, neque sermones, quorum non audiantur voces eorum.

5 In omnem terram exivit sonus eorum, et in fines orbis terræ verba eorum.

6 In sole posuit tabernaculum suum ; et ipse tamquam sponsus procedens de thalamo suo. Exsultavit ut gigas ad currendam viam ;

7 a summo cælo egressio ejus. Et occursus ejus usque ad summum ejus ; nec est qui se abscondat a calore ejus.

8 Lex Domini immaculata, convertens animas ; testimonium Domini fidele, sapientiam præstans parvulis.

9 Justitiæ Domini rectæ, lætificantes corda ; præceptum Domini lucidum, illuminans oculos.

10 Timor Domini sanctus, permanens in sæculum sæculi ; judicia Domini vera, justificata in semetipsa,

11 desiderabilia super aurum et lapidem pretiosum multum, et dulciora super mel et favum.

12 Etenim servus tuus custodit ea ; in custodiendis illis retributio multa.

13 Delicta quis intelligit? ab occultis meis munda me ;

14 et ab alienis parce servo tuo. Si mei non fuerint dominati, tunc immaculatus ero, et emundabor a delicto maximo.

15 Et erunt ut complaceant eloquia oris mei, et meditatio cordis mei in conspectu tuo semper. Domine, adjutor meus, et redemptor meus.

Notas:

Edição da bíblia em vulgata clementina produzida a partir de papiros, manuscritos e códices gregos antiquíssimos. Recomenda-se ler a tradução em português da vulgata pelo padre Matos Soares.

Produtos recomendados:

Compartilhe este capítulo da bíblia:

Saia midi evasê azul floral
Saia longa evasê vinho geométrica
Saia midi de nesgas bordô flores azuis
Vestido longo de pregas bege floral
Vestido midi chemise azul celeste
Saia longa babados rosê listras
Saia midi evasê açaí
Saia midi godê total preta rosas
Vestido midi godê total lilás com rosas
Vestido midi godê total rosinha
Saia infantil Bárbara rosa
Saia midi godê total caramelo com cinto