Vulgata Clementina online

Liber Psalmorum, 3

¹ Psalmus David, cum fugeret a facie Absalom filii sui.

² Domine, quid multiplicati sunt qui tribulant me? Multi insurgunt adversum me ;

³ multi dicunt animæ meæ: Non est salus ipsi in Deo ejus.

⁴ Tu autem Domine, susceptor meus es, gloria mea, et exaltans caput meum.

⁵ Voce mea ad Dominum clamavi ; et exaudivit me de monte sancto suo.

⁶ Ego dormivi, et soporatus sum ; et exsurrexi, quia Dominus suscepit me.

⁷ Non timebo millia populi circumdantis me. Exsurge, Domine ; salvum me fac, Deus meus.

⁸ Quoniam tu percussisti omnes adversantes mihi sine causa ; dentes peccatorum contrivisti.

⁹ Domini est salus ; et super populum tuum benedictio tua.

Notas:

Edição da bíblia em vulgata clementina produzida a partir de papiros, manuscritos e códices gregos antiquíssimos. Recomenda-se ler a tradução em português da vulgata pelo padre Matos Soares.

Produtos recomendados:

Compartilhe este capítulo da bíblia: