Vulgata Clementina online

Liber Iob, 11
Procurar:
Liber Iob

Liber Iob, 11

1 Respondens autem Sophar Naamathites, dixit:

2 Numquid qui multa loquitur, non et audiet? aut vir verbosus justificabitur?

3 Tibi soli tacebunt homines? et cum ceteros irriseris, a nullo confutaberis?

4 Dixisti enim: Purus est sermo meus, et mundus sum in conspectu tuo.

5 Atque utinam Deus loqueretur tecum, et aperiret labia sua tibi,

6 ut ostenderet tibi secreta sapientiæ, et quod multiplex esset lex ejus: et intelligeres quod multo minora exigaris ab eo quam meretur iniquitas tua !

7 Forsitan vestigia Dei comprehendes, et usque ad perfectum Omnipotentem reperies?

8 Excelsior cælo est, et quid facies? profundior inferno, et unde cognosces?

9 Longior terra mensura ejus, et latior mari.

10 Si subverterit omnia, vel in unum coarctaverit, quis contradicet ei?

11 Ipse enim novit hominum vanitatem ; et videns iniquitatem, nonne considerat?

12 Vir vanus in superbiam erigitur, et tamquam pullum onagri se liberum natum putat.

13 Tu autem firmasti cor tuum, et expandisti ad eum manus tuas.

14 Si iniquitatem quæ est in manu tua abstuleris a te, et non manserit in tabernaculo tuo injustitia,

15 tunc levare poteris faciem tuam absque macula ; et eris stabilis, et non timebis.

16 Miseriæ quoque oblivisceris, et quasi aquarum quæ præterierunt recordaberis.

17 Et quasi meridianus fulgor consurget tibi ad vesperam ; et cum te consumptum putaveris, orieris ut lucifer.

18 Et habebis fiduciam, proposita tibi spe: et defossus securus dormies.

19 Requiesces, et non erit qui te exterreat ; et deprecabuntur faciem tuam plurimi.

20 Oculi autem impiorum deficient, et effugium peribit ab eis: et spes illorum abominatio animæ.

Notas:

Edição da bíblia em vulgata clementina produzida a partir de papiros, manuscritos e códices gregos antiquíssimos. Recomenda-se ler a tradução em português da vulgata pelo padre Matos Soares.

Produtos recomendados:

Compartilhe este capítulo da bíblia:

Saia longa franzida verde escuro
Saia midi de nesgas rosa pink
Saia midi godê preta flores
Vestido midi godê total off-white flores
Conjunto modesto para praia preto florido
Vestido midi godê branco gelo
Saia longa evasê franzida amarela
Saia midi artemis rosas
Vestido midi Guadalupe preto
Vestido midi evasê amarelo floral
Saia midi godê total bege flores
Vestido longuete chemise rosa