Vulgata Clementina online

Liber Proverbiorum, 9
Procurar:
Liber Proverbiorum

Liber Proverbiorum, 9

1 Sapientia ædificavit sibi domum: excidit columnas septem.

2 Immolavit victimas suas, miscuit vinum, et proposuit mensam suam.

3 Misit ancillas suas ut vocarent ad arcem et ad mœnia civitatis.

4 Si quis est parvulus, veniat ad me. Et insipientibus locuta est:

5 Venite, comedite panem meum, et bibite vinum quod miscui vobis.

6 Relinquite infantiam, et vivite, et ambulate per vias prudentiæ.

7 Qui erudit derisorem, ipse injuriam sibi facit, et qui arguit impium, sibi maculam generat.

8 Noli arguere derisorem, ne oderit te: argue sapientem, et diliget te.

9 Da sapienti occasionem, et addetur ei sapientia ; doce justum, et festinabit accipere.

10 Principium sapientiæ timor Domini, et scientia sanctorum prudentia.

11 Per me enim multiplicabuntur dies tui, et addentur tibi anni vitæ.

12 Si sapiens fueris, tibimetipsi eris ; si autem illusor, solus portabis malum.

13 Mulier stulta et clamosa, plenaque illecebris, et nihil omnino sciens,

14 sedit in foribus domus suæ, super sellam in excelso urbis loco,

15 ut vocaret transeuntes per viam, et pergentes itinere suo:

16 Qui est parvulus declinet ad me. Et vecordi locuta est:

17 Aquæ furtivæ dulciores sunt, et panis absconditus suavior.

18 Et ignoravit quod ibi sint gigantes, et in profundis inferni convivæ ejus.

Notas:

Edição da bíblia em vulgata clementina produzida a partir de papiros, manuscritos e códices gregos antiquíssimos. Recomenda-se ler a tradução em português da vulgata pelo padre Matos Soares.

Produtos recomendados:

Compartilhe este capítulo da bíblia:

Vestido longo de pregas bege bolinhas brancas
Vestido midi evasê manga flare goiaba
Saia midi godê total rosê
Saia midi infantil preta poá
Saia midi plissada verde flores
Vestido longo de pregas branco flores e cordões
Vestido midi meio godê marsala
Saia midi godê azul risca de giz com bolsos
Saia midi godê total azul flores
Vestido midi lese branco amamentação transpassado
Saia midi godê azul flora cinto e bolsos
Saia midi godê total rosa